பாடாண் திணை

கூவிரம்கொண்டு
போர் வெல்ல
பகையரண் வளைத்த
நடு நாட்டு கூனா
அவளைச்சுற்றி வரவா
ஆயிரம் நரம்புள்ள யாழோடு
திரிந்தாய்
நீ நாடு பிடிப்பாயென
நம்பிக்கொண்டிருக்கிறது லோகம்

ஐயோ பாவம்
உடைந்த வளையலையும்
உதிர்ந்த மல்லியையும்
சேகரித்துக் கொண்டிருக்கும் நீ
நடந்து செல்லும் திசையெங்கும்
பெருக்கெடுத்தோடுகிறது
சபிக்கப்பட்டவுன் சுக்கில நதி

பொன்னையும் பொருளையும்
வாரியிறைத்தால்
போனது வந்துவிடுமென
யார் சொன்னது
போ...
போய்க் கதவைத் திறந்து பார்
ஓராயிரம் யோனிகள்
ஒப்பாரி வைத்துக்கொண்டிருப்பதை

இப்போது
உனக்கு சந்தோஷம்தானே?